Edugal. Salón de oferta de educación e formación

Os días 26, 27 e 28 de febreiro tivo lugar no Recinto Feiral de Pontevedra o III Salón de oferta de educación e formación (Edugal). Nel presentáronse os ciclos de Edificación e Obra Civil que se imparten no Instituto. 

Edugal ten como destinatarios o alumnado, profesorado, orientadores, pais e profesionais do sector. Os alumnos dos ciclos, xunto cos profesores do Departamento de Edificación e Obra Civil, amosaron os traballos elaborados por eles durante o curso e realizaron varias actividades cos aparellos topográficos e os medios informáticos para que os visitantes coñeceran as particularidades da profesión.