Edificación e obra civil

2000 horas (Dous cursos)

A competencia xeral deste título consiste en elaborar a documentación técnica de proxectos de edificación, realizar trazas de obra e xestionar o control documental para a súa execución, respectando a normativa e as condicións ambientais, de calidade e de seguridade establecidas.

As persoas con este perfil profesional exercen a súa actividade como persoal asalariado ou autónomo en estudios de arquitectura, enxeñaría e delineación, en consultorías, en promotoras inmobiliarias, en empresas construtoras e na Administración. A súa actividade está regulada.

Técnico/a superior proxectista de edificación; técnico/a superior de edificación; técnico/a superior de instalacións; maquetista de construción; axudante de xefe/a de oficina técnica; axudante de planificador/ora; axudante de técnico/a de control de custos; técnico/a de control documental; especialista en implantacións; axudante de procesos de certificación enerxética de edificios; técnico/a de eficiencia enerxética de edificios; delineante proxectista de redes e sistemas de distribución de  fluídos, especialista en modelado tridimensional con medios informáticos.

Na seguinte táboa figuran os novos módulos profesionais que compoñen este ciclo formativo, que se comenzarán a impartir no curso 2024/25 (os módulos de 2º curso serán a partir do curso 2025/26).

Como sabes, a outra gran novidade é que a formación será dual, e dicir, a impartición de todos os módulos se compartirá coas empresas. Isto comezará xa desde primeiro curso, de tal xeito que, das 2.000 horas totais do ciclo, entre 500 e 700 horas impartiránse nas empresas.

No IES Gonzalo Torrente Ballester, as clases impártense en sesións de 50 minutos. O horario lectivo esténdese entre as 8.30 e as 14.10 horas os martes, mércores e venres, e entre as 8.30 e as 15.00 horas os luns e os xoves. Ademais, os mércores pola tarde en horario de 16.00 a 19.30 horas hai actividade lectiva para os alumnos de Ciclos Formativos. A xornada escolar conta con dous recreos: o primeiro de 10.10 a 10.25 horas e o segundo de 12.05 a 12.30 horas.

Non obstante o anterior, o centro abre as súas portas todos os días ás 8.20 horas e o horario de atención das dependencias administrativas é de luns a venres de 9.00 a 14.00 horas. As instalacións péchanse todos os días á mesma hora na que remata a actividade docente.

Para poder cursar estudos de ciclos formativos de grao superior, o alumnado debe cumprir algún dos requisitos seguintes:

• Título de bacharel.
  
• Título de técnico especialista, de técnico superior ou equivalente para efectos académicos.
  
• Titulación universitaria ou equivalente para efectos académicos.
  
• Ter superado o segundo curso de calquera modalidade de bacharelato experimental.
  
• Ter superado o curso de orientación universitaria (COU) ou preuniversitario (PREU).
  
• Ter superada a proba de acceso á universidade para maiores de 25 anos.
  
• Ter superada a proba de acceso a ciclos formativos.

De non cumprir ningún dos requisitos anteriores é posible acceder a un ciclo de grao superior superando as probas de acceso que as administracións educativas organizan todos os anos, sempre e cando se dean algunha das seguintes situacións:       

• Ter cumpridos dezanove anos ou cumprilos no ano natural de celebración da proba.
  
• Cumprir ou ter cumpridos dezaoito anos no ano natural de celebración da proba e dispor dun título de técnico, no momento de inscrición na proba, que pertenza a algunha familia profesional incluída na opción a que opta, consonte a táboa do anexo III da resolución (DOG do 20 de xaneiro de 2011).

Máis información

Acceso directo a calquera outro ciclo formativo de grao superior e a calquera estudio universitario de grao, incluso arquitectura, enxeñería da edificación, enxeñería en xeomática e topografía, enxeñería civil, enxeñería de camiños, enxeñería agrícola, enxeñería forestal, enxeñería industrial, enxeñería mecánica, enxeñería eléctrica, enxeñería naval, enxeñería aeronáutica e demais titulacións da rama da  arquitectura e enxeñería.

As persoas que dispoñan do título de técnico superior de formación profesional, ou de títulos equivalentes, poderán acceder de modo directo, sen necesidade de proba, a calquera ensinanza universitaria de grao.

No caso de que o número de solicitudes de admisión a unha ensinanza conducente a un título universitario de grao sexa maior que o número de prazas dispoñibles, e para os efectos de ordenar as solicitudes para a súa adxudicación, utilizarase unha nota de admisión que coincidirá coa nota media do ciclo formativo.

Nota de admisión = NMC (nota media do ciclo formativo)

As persoas que desexen mellorar a nota de admisión deberán realizar os exercicios da fase específica das probas de acceso á universidade.

Os créditos e materias recoñecidas nas titulacións universitarias oficiais de grao para os titulados en formación profesional de grao superior pódense consultar no seguinte enlace:

Materias recoñecidas nas titulacións universitarias oficiais de grao